Lawak Batak, Sopan Santun Luar Binasa

Lawak Batak, Sopan Santun Luar Binasa

HORAS!!! Lawak Batak, Sopan Santun Luar Binasa

*Najolo angka natua-tua mangajarhon ianakkon sopan santun luar biasa do ketatna. Mulai sian dakdanak sahat tu namulai masuk masa lajang. Sai dimemehon do adat sopan santun, tarlumobi molo tu tamu ikkon do hormat jala tamu i gabe songon raja do di jabu.
Songonima sahali Nai Pitta mangajarhon tu si Pitta boruna namarumur 10 tahun dohot si Telleng namarumur 4 tahun*.

Nai Pitta : "Molo adong tamu dang boi sigangguon, jala dang boi ribut dah..!!

Pitta : "Olo, omak..!!"

Nai Pitta : "Unang mangido-ido tu tamu..!! Jala tarlumobi molo lao mangan boan anggim marmeam tu luar. Maila hita annon dah...!!"

Pitta : "Olo, omak...!!"

Nai Pitta : Annon naeng ro Tulang Janggaleman sian Laguboti. Alap ma jo kalapa tu kode ni siDesman, asa taseat manuk jambe i...!!"

Torang : Baahh..!!, Tabo ma tulang i,,, Jabbekku do i..!!

Nai Pitta : "Toe ma sahali sahali do Tulang i ro tu son,,, tagatti pe ari Senen sian onan pe huboan..!!"

Torang : "Olo,,, ipetaho omak..!!, Alai ikkon sarupa dah..!!'

Nai Pitta : "Olo..!!, Laomane dohoti kakak mi..!!"

Torang : "Olo, omak..!!"

*Jadi ma tutu diseat manuk jambe ni si Torang i. Digongseng ma kalapa jala diloppa ma songon masakan khas halak hita. Jala dung sahat ma Tulang Janggaleman laho mangan nama*

Nai Pitta : "Pitta boan anggi mi marmeam tu luar, asa mangan tulang..!!, Annon pe hamu mangan..!"

Pitta : "Olo omak,..!!, Betah dek..!"

Torang : "Dagee..!!, Taboma tulang i..!!, Manukku do i, ittor imana ma annon mangalakkon hae haena i..!!"

Nai Pitta : Ssssst..!!, Pattang songoni Torang..!!"

Torang : "Olo,,, olo..!!, Alai unang lupa papulik na diau..!!, Satung diallang tulang i..!!"

Nai Pitta : "Olo pudan..!!, Pitta boan ma anggi mi..!!, Awas so rohamu manikka nikka..!!"

Pitta : "Olo, Omak..!!"

*Mangan ma tutu si janggaleman, alai baru dope 5 menit ittor ro ma si Pitta...*

Pitta : "Oma,,, omak...!!"

Nai Pitta : "Sssst,,, Tusan tusan..!!"

Pitta : "Daong omak..!!"

Nai Pitta : "Heeeh,,, lao ma parpudi hamu...!!, Tulang jo..!!"

*Lao ma tutu si Pitta, alai 5 menit nai ro muse..!!, Alai hut tangis..!!*

Pitta : Omaaaak,,, omaaaaaak..!!"

Nai Pitta : "Aha i...!!, Tusan ma hamu marmeam..!!, Annong pe mangan...!!"

Pitta : "Daong mangan i omaaak..!!, Hiks.. Hiks..hiks.. * hu-hut sai tangis-tangis*

Nai Pitta : "Annon ma i...!!, Sidung mangan jo tulang mon..!!"

Pitta : "Agohhhhh,,, Adek do omak...!!"

Nai Pitta : "Annon pe mangan adek mi dah...!!"

Pitta : "Dangi maksudhu,,, Adek do nga masuk tu sumur..!!"

Nai Pitta : "Bahh,,, bah,,, Bohaaaa....??, Masuk sumur...??, Agooh... Agoooh..!!"

Pitta : "Ima sian nakkin nga hu dok..!!, Sai annon, annon,,, annooooonnnnnnnn!!"
Suapi tulang mangan bulus asa mantapss....

Hahahahahahahaaaaaa....

Semoga Terhibur ^_^

Belum ada Komentar untuk "Lawak Batak, Sopan Santun Luar Binasa"

Posting Komentar

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel